Bonexal - ბონექსალი საღეჭი ტაბლეტი 30 ცალი

ბონექსალი

კალციუმის საღეჭი აბები კოლაგენით

შემადგენლობა:

ერთი საღეჭი აბი შეიცავს:

დამხმარე ნივთიერებები: ქსილიტოლი, ცელულოზა, ლიმონმჟავა, მაგნიუმის სტეარატი, სილიკონის დიოქსიდი, საკრალოზა, ლიმონის არომატიზატორი.

ფარმაკოლოგიური ჯგუფი: ბიოლოგიურად აქტიური დანამატები, ფოსფორისა და კალციუმის ცვლაზე მოქმედი საშუალებები, ორგანიზმში კალციუმის დეფიციტის შემავსებელი საშუალებები.

ფარმაკოლოგიური მოქმედება: ბონექსალი წარმოადგენს კომბინირებულ საშუალებას. კალციუმის, ვიტამინი D3-ის,  ვიტამინი K2-ის, კოლაგენის, სპილენძის და თუთიის ოპტიმალური კომბინაცია უზრუნველყოფს კალციუმის მაქსიმალურ შეწოვას და ჩალაგებას ძვლოვან ქსოვილში, ამცირებს ძვალ-სახსროვანი სისტემის დაავადებათა რისკს, აუმჯობესებს ძვლის მინერალიზაციის ხარისხს, ამცირებს ძვლების სიმყიფეს.  უზრუნველყოფს ძვალ-სახსროვანი, ნერვ-კუნთოვანი, რეპროდუქციული, ენდოკრინული და იმუნური სისტემების ნორმალურ ფუნქციობას.  

კალციუმი - ერთ-ერთი უმნიშვნელოვანესი მინერალია, რომელიც განაპირობებს ძვალ-სახსროვანი, გულ-სისხლძარღვთა და ნერვ-კუნთოვანი სისტემების გამართულ ფუნქციობას. ბონექსალში კალციუმი წარმოდგენილია კალციუმის კარბონატის სახით, რომელიც კალციუმის სხვა მარილებისგან განსხვავებით, ელემენტარული კალციუმის ყველაზე დიდ წყაროს წარმოადგენს.

ვიტამინი D3 - აუცილებელია ნაწლავებში კალციუმის, ფოსფორის, რკინის, მაგნიუმისა და თუთიის შეწოვისათვის, მონაწილეობს ძვლებისა და კბილების მინერალიზაციის პროცესში.

ვიტამინი K2 - ცხიმში ხსნადი ერთ-ერთი ყველაზე მნიშვნელოვანი ვიტამინია, რომელიც აუცილებელია ძვლოვანი სისტემის ჯანსაღი ფუნქციობისათვის. ოსტეოკალცინის კარბოქსილირების გზით უზრუნველყოფს კალციუმის ჩალაგებას უშუალოდ ძვლოვან ქსოვილში და არა სისხლძარღვებში, შესაბამისად, აუმჯობესებს ძვლების მინერალიზაციას, ახდენს თირკმლებში ოქსალატური ქვების წარმოქმნისა და არტერიების კალციფიკაციის პრევენციას.

კოლაგენი – ხრტილების, ძვლების, იოგების, მყესებისა და  კანის შემაერთებელი ქსოვილის სტრუქტურული შენებისთვის შეუცვლელ ცილას წარმოადგენს, ხასიათდება მაღალი ბიოშეღწევადობით, ხელს უწყობს კალციუმის ჩალაგებას ძვლოვან ქსოვილში.

თუთია - მონაწილეობს ადამიანის ორგანიზმში მიმდინარე თითქმის ყველა ბიოქიმიურ პროცესში, ცილების, ცხიმების, ნახშირწყლების ცვლაში, წარმოადგენს კოფაქტორს 300-ზე მეტი ფერმენტული რეაქციისთვის, აუცილებელია იმუნური სისტემის ყველა რგოლის გამართული მუშაობისათვის.

სპილენძი - ხელს უწყობს რკინის შეწოვას, ძვალ-სახსროვანი, ნერვული და იმუნური სისტემების გამართულ ფუნქციობას, მონაწილეობას ღებულობს სისხლის წითელი უჯრედების ფორმირებაში.

ჩვენებები:

• ოსტეოპოროზი, ოსტეოპენიის და ძვალ-სახსროვანი სისტემის სხვა დაავადებების პრევენცია და კომპლექსური თერაპია
• მენოპაუზა, პოსტმენოპაუზა, ოვარექტომიის შემდგომი პერიოდი
• მოტეხილობების კომპლექსური მკურნალობა
• კალციუმისა და ვიტამინი D3-ის მიმართ გაზრდილი მოთხოვნილება - ორსულობის, ლაქტაციის, ინტენსიური ზრდის პერიოდი, გაძლიერებული ფიზიკური დატვირთვა
• გულ-სისხლძარღვთა, ნერვ-კუნთოვანი, ენდოკრინული, რეპროდუქციული და იმუნური სისტემების დაავადებები
• სტეროიდების, ანტიკონვულსანტების, იმუნოდეპრესანტების და დიურეტიკების ხანგრძლივი გამოყენებისას კომპლექსურ თერაპიაში
• კალციუმის, ვიტამინი D3-ის და ვიტამინი K2-ის დეფიციტის შევსება ძვლის მასის ფორმირებისა და კარიესის პროფილაქტიკისათვის

მიღების წესი და დოზირების რეჟიმი:

12-18 წელი: 1 საღეჭი აბი 1-ჯერ დღეში;

18 წლიდან: 1 საღეჭი აბი 2-ჯერ დღეში.

გვერდითი მოვლენები: იშვიათად  ყაბზობა, მუცლის შებერილობა, მუცლის ტკივილი.

უკუჩვენება: მომატებული ინდივიდუალური მგრძნობელობა რომელიმე ინგრედიენტის მიმართ, 12 წლამდე ასაკი, ჰიპერკალცემია, მძიმე ჰიპერკალციურია, ნეფროლითიაზი, D ჰიპერვიტამინოზი, თირკმლის მძიმე უკმარისობა.

შენახვის პირობები: ინახება არა უმეტეს 25ºC ტემპერატურაზე, მშრალ, სინათლისგან დაცულ და ბავშვებისათვის მიუწვდომელ ადგილას.

სიფრთხილის ზომები: არ გადააჭარბოთ დღიურად მისაღებ რეკომენდებულ დოზას. პროდუქტი არ ანაცვლებს საკვებს.

გამოშვების ფორმა: N30 საღეჭი აბი ლიმონის არომატით, ბიოლოგიურად აქტიური დანამატი.

ბონექსალის გამოშვების ფორმა-საღეჭი აბი უზრუნველყოფს კომპონენტების სწაფ შეწოვას, არ აღიზიანებს კუჭ-ნაწლავის ტრაქტს.

მოსახერხებელია მათთვის, ვისაც არ შეუძლია აბის გადაყლაპვა.

ვარგისიანობის ვადა: იხილეთ შეფუთვაზე.

აფთიაქიდან გაცემის წესი: გაიცემა ურეცეპტოდ.

მწარმოებელი: ,,Made Group’, ლიტვა.