სალიცილის მჟავა 1% სპირტიანი ხსნარი 25მლ

გამოყენების   ი ნ ს ტ რ უ ქ ც ი ა

სალიცილის მჟავა

(SALICYLIC ACID)

შემადგენლობა:

მოქმედი ნივთიერება: სალიცილის მჟავა;

ხსნარის 100 მლ შეიცავს 1 გ სალიცილის მჟავას;

დამხმარე ნივთიერება: ეთანოლი 70%

სამკურნალწამლო ფორმა. 1% სპირტიანი ხსნარი გარეგანი გამოყენებისთვის

ძირითადი ფიზიკო-ქიმიური თავისებურებანი: გამჭვირვალე, უფერული სითხე.

ფარმაკოთერაპიული ჯგუფი. დერმატოლოგიური საშუალებები. დამარბილებელი და დამცავი საშუალებები. სალიცილის მჟავას პრეპარატები. კოდი ATC   D02AF.

ფარმაკოლოგიური თვისებები.

ანტისეპტიკური საშუალება. ადგილობრივი გამოყენებისას ახდენს ანტიმიკრობულ, გამაღიზიანებელ, ყურადღების გადასატან მოქმედებას.

კლინიკური დახასიათება.

დანიშნულება.

გამოყენება კანის ინფექციური დაზიანებების: ჩვეულებრივი აკნეს, პიოდერმიის დროს.

უკუჩვენებები.

მომატებული ინდივიდუალური მგრძნობელობა პრეპარატის მიმართ.

უსაფრთხოების განსაკუთრებული ზომები.  

არ დაუშვათ პრეპარატის მოხვედრა თვალში, არ დაიტანოთ ლორწოვან გარსებზე.

არ უნდა დაარღვიოთ სამკურნალწამლო საშუალების გამოყენების წესები, ამან შეიძლება ზიანი მიაყენოს თქვენს ჯანმრთელობას.

პრეპარატი არ უნდა გამოიყენოთ შეფუთვაზე მითითებული ვარგისიანობის ვადის ამოწურვის შემდეგ.

ურთიერთქმედება სხვა სამკურნალწამლო საშუალებებთან და ურთიერთქმედებების სხვა სახეობები.

სალიცილის მჟავის ადგილობრივი გამოყენება არ უნდა იქნას შეთავსებული იმ პრეპარატების პერორალურ გამოყენებასთან, რომლებიც შეიცავენ აცეტილსალიცილის მჟავას და სხვა არასტეროიდულ ანთებასაწინააღმდეგო საშუალებებს. არ გამოიყენოთ ბენზოილ-პეროქსიდთან და ადგილობრივ რეტინოიდებთან ერთად.

სალიცილის მჟავას შეუძლია გაზარდოს კანის გამტარიანობა ადგილობრივი გამოყენების სხვა სამკურნალწამლო საშუალებებისთვის და ამით შეუძლია გაზარდოს ორგანიზმში მათი მოხვედრა. გარდა ამისა, სალიცილის მჟავას შეუძლია გააძლიეროს მეტოტრექსატის არასასურველი მოქმედება და სულფონილშარდოვანას წარმოებულების პერორალური დიაბეტის საწინააღმდეგო საშუალებების ჰიპოგლიკემური მოქმედება.

სხვა რომელიმე სამკურნალწამლო საშუალებების ერთდროული გამოყენებისას შეატყობინეთ ექიმს.

განსაკუთრებული გაფრთხილებები.

არ უნდა დაიტანოთ პრეპარატი კანის დიდ უბნებზე.

გამოყენება ორსულობისა და ლაქტაციის პერდიოდში.

ორსულობისა და ლაქტაციის პერიოდში პრეპარატის გამოყენება შესაძლებელია მხოლოდ მაშინ, როდესაც დედის მოსალოდნელი სარგებელი აღემატება ნაყოფისა ან ბავშვის პოტენციალურ რისკს.

რეაქციის სიჩქარეზე გავლენის უნარი ავტოტრანსპორტის ან სხვა მექანიზმების მართვისას.

არ ახდენს ზეგავლენას.

გამოყენების წესი და დოზები.

განკუთვნილია გარეგანი გამოყენებისთვის. დაიტანება ან შეიზილება კანის დაზიანებულ უბნებზე პრეპარატით გაჟღენთილი ბამბის ტამპონით, 2-3-ჯერ დღე-ღამეში.

მკურნალობის კურსს ადგენს ექიმი დაავადების მიმდინარეობისა და სიმძიმის მიხედვით.

ბავშვები.

არ გამოიყენოთ 12 წლამდე ასაკის ბავშვებისთვის.

ჭარბი დოზირება.

პრეპარატის დიდი დოზებით გამოყენებისას შესაძლებელია კერატოლიტური მოქმედებისა და ალერგიული რეაქციების გაძლიერება. ასეთ შემთხვევაში აუცილებელია პრეპარატის წყლით ჩამობანა, მიმართოთ კონსულტაციისთვის ექიმს. თერაპია სიმპტომურია.

გვერდითი რეაქციები.

შესაძლებელია ცვლილებები კანის მხრიდან: სიმშრალე, აქერცვლა, გაღიზიანება, კონტაქტური დერმატიტი, ალერგიული რეაქციების გამოვლინებები (ჭინჭრის ცხელება, ქავილი), რომლებიც ითხოვენ პრეპარატის მოხსნას.

ხანგრძლივი გამოყენებისას შესაძლებელია პრეპარატის შეწოვა საერთო სისხლის მიმოქცევაში და სალიციტალებისთვის დამახასიათებელი გვერდითი ეფექტებისთვის განვითარება: ყურებში ზანზარი, თავბრუსხვევა, ტკივილი ეპიგასტრიაში, გულის რევა, ღებინება, აციდოზი, გახშირებული სუნთქვა.

რომელიმე არასასურველი მოვლენების გაჩენის შემთხვევაში აუცილებლად მიმართეთ ექიმს!

ვარგისობის ვადა. 3 წელი.

შენახვის პირობები. შეინახეთ არაუმეტეს 250C ტემპერატურაზე. შეინახეთ ბავშვებისთვის მიუწვდომელ ადგილას.

შეფუთვა. 40 მლ შუშის ფლაკონებში.

გაცემის კატეგორია.

ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:

შპს „დკპ „ფარმაცევტული ფაბრიკა“.

განმცხადებლის ადგილმდებარეობა.

უკრაინა, 12430, ჟიტომირის ოლქი, ჟიტომირის რაიონი, ს. სტანიშოვკა,

კოროლიოვის ქ., სახლი 4