ბასკერვილების ძაღლი 9280

მსოფლიოს ერთ-ერთ საუკეთესო დეტექტივად აღიარებული „ბასკერვილების ძაღლი“, პირველად 1902 წელს გამოქვეყნდა. ნაწარმოებს საფუძვლად დაედო ნორფოლკის საგრაფოში ცნობილი ლეგენდა ძაღლ-მოჩვენებაზე. მოქმედება მიმდინარეობს 1889 წლის სექტემბერ-ოქტომბერში, ინგლისში. შერლოკ ჰოლმსის სახით, მწერალმა დაგვიხატა დეტექტივი, რომლის აზროვნება, მსჯელობა და დასკვნები, საქმის ღრმა ცოდნით არის განპირობებული. მისი რკინისებური ლოგიკა ეფუძნება მოვლენათა განვითარების, ადამიანთა ურთიერთ-დამოკიდებულებისა და ათასგვარი წვრილმანის სწორად გათვალისწინებას. ჰოლმსს, როგორც ჭეშმარიტ შემოქმედს, ყოველი ნაბიჯი გათვლილი აქვს. „ბასკერვილების ძაღლის” საფუძველია: ლოგიკის სიყვარული, გარე სამყაროს სწორი გააზრება, სწრაფვა სამართლიანობის აღდგენისა და დანაშაულის გახსნისკენ. ეს მისტიკური ნაწარმოები იმდენად რეალისტურია, რომ მკითხველიც, ძალაუნებურად, გამოძიების თანამონაწილე ხდება და ცდილობს, თავად გახსნას დანაშაული.

მახასიათებლები
ISBN  9789941489280
გამომცემლობა  ელფი
გამოცემის წელი  2021
ასაკი  11 წლიდან
ყდა  რბილი
გვერდების რაოდენობა  196
ფორმატი  14,5/21
წიგნის ენა  ქართული