ტელმის კომბი 80/12.5მგ 30 ტაბლეტი

ტელმისარტანის და ჰიდროქლოროთიაზიდის ტაბლეტები USP 80 მგ/12.5 მგ

(ტელმის პლუსი 80/12.5)

პრეპარატის გამოყენებამდე ყურადღებით წაიკითხეთ წინამდებარე გამოყენების ინსტრუქცია, ის შეიცავს თქვენთვის მნიშვნელოვან ინფორმაციას

• შეინახეთ გამოყენების ინსტრუქცია. შესაძლოა წარმოიშვას მისი ხელახალი გაცნობის საჭიროება.
• თუ გჭირდებათ მეტი ინფორმაცია ან კონსულტაცია მიმართეთ თქვენს ექიმს, ფარმაცევტს ან მედდას.
• მედიკამენტი დაგენიშნათ პირადად თქვენ. ნუ გადასცემთ სხვებს. პრეპარატმა შესაძლოა ზიანი მიაყენოს მათ, იმისდამიუხედავად თუ მათი სიმპტომები თქვენი სიმპტომების მსგავსია. თუ აღგენიშნათ რომელიმე გვერდითი მოვლენა აცნობეთ თქვენს ექიმს, ფარმაცევტს ან მედდას.
• ეს მოიცავს იმ შესაძლო გვერდით მოვლენებს რომელიც არ არის მითითებული წინამდებარე გამოყენების ინსტრუქციაში.

რას შეიცავს წინამდებარე გამოყენების ინსტრუქცია:

1. რა არის ტელიმისარტანის და ჰიდროქლოროთიაზიდის ტაბლეტები და რისთვის გამოიყენება ის.
2. რა უნდა იცოდეთ ტელიმისარტანის და ჰიდროქლოროთიაზიდის ტაბლეტების მიღებამდე.
3. როგორ უნდა მიიღოთ ტელიმისარტანის და ჰიდროქლოროთიაზიდის ტაბლეტები.
4. შესაძლო გვერდითი მოვლენები.
5. როგორ უნდა შეინახოთ ტელიმისარტანის და ჰიდროქლოროთიაზიდის ტაბლეტები.
6. შეფუთვის შიგთავსი და დამატებითი ინფორმაცია.

1. რას წარმოადგენს ტელიმისარტანის და ჰიდროქლოროთიაზიდის ტაბლეტები და რისთვის გამოიყენება ის

ტელმისარტანის და ჰიდროქლოროთიაზიდის ტაბლეტები არის ორი აქტიური ნივთიერების ტელმისარტანის და ჰიდროქლოროთიაზიდის კომბინაცია ერთ ტაბლეტში. ორივე ეს ნივთიერება ხელს უწყობს მაღალი არტერიული წნევის კონტროლს:

• ტელმისარტანი მიეკუთვნება ანგიოტენზინ-II რეცეპტორების ანტაგონისტების სახელწოდებით ცნობილ ნივთიერებათა ჯგუფს. ანგიოტენზინ II არის ნივთიერება, რომელიც წარმოიქმნება ორგანიზმში და იწვევს სისხლძარღვების შევიწროებას, რაც განაპირობებს არტერიულ წნევის ზრდას. ტელმისარტანი ბლოკავს ანგიოტენზინ II- ის ეფექტს, რის გამოც სისხლძარღვები დუნდება და ხდება არტერიული წნევის დაქვეითება.
• ჰიდროქლოროთიაზიდი მიეკუთვნება თიაზიდური დიურეტიკების სახელწოდებით ცნობილი მედიკამენტების ჯგუფს, რომელთა შედეგად შარდის გამოყოფა იზრდება, რაც იწვევს არტერიული წნევის დაქვეითებას. ტელმისარტანის და ჰიდროქლოროთიაზიდის ტაბლეტი გამოიყენება მაღალი არტერიული წნევის სამკურნალოდ.

მაღალმა წნევამ, თუ არ მოხდა მისი მკურნალობა, შეიძლება დააზიანოს სისხლძარღვები გარკვეულ ორგანოში, რაც აყენებს პაციენტებს სერიოზული მოვლენების განვითარების რისკის ქვეშ, როგორიცაა გულის შეტევა, გულის ან თირკმლის უკმარისობა, ინსულტი ან სიბრმავე. როგორც წესი, დაზიანებამდე არ ვლინდება მაღალი არტერიული წნევის სიმპტომები. ამრიგად, მნიშვნელოვანია არტერიული წნევის რეგულარული გაზომვა, იმის დასადასტურებლად, არის თუ არა იგი ნორმის ფარგლებში.

ტელმის პლუსი 80/12.5 გამოიყენება მაღალი არტერიული წნევის (ესენციალური ჰიპერტენზია) სამკურნალოდ მოზრდილებში, რომელთა არტერიული წნევა საკმარისად არ კონტროლდება ტელმისარტანის გამოყენებით.

2. რა უნდა იცოდეთ ტელიმისარტანის და ჰიდროქლოროთიაზიდის ტაბლეტების გამოყენებამდე

არ მიიღოთ ტელიმისარტანის და ჰიდროქლოროთიაზიდის ტაბლეტები:

• თუ ხართ ალერგიული ტელმისარტანის ან პრეპარატში შემავალი ნებისმიერი სხვა ინგრედიენტის მიმართ (იხ. პარაგრაფი 6).
• თუ ხართ ალერგიული ჰიდროქლოროთიაზიდის ან სხვა სულფანილამიდური წარმოების მედიკამენტებზე.
• თუ ხართ 3 თვეზე მეტის ორსული. (ასევე უკეთესია, რომ თავიდან იქნას აცილებული ტელმისარტანი და ჰიდროქლოროთიაზიდი ფეხმძიმობის ადრეულ ვადაზე - იხილეთ პარაგრაფი ორსულობის შესახებ).
• თუ გაქვთ ღვიძლის მწვავე პრობლემები მაგალითად ქოლესტაზი ან სანაღვლე გზების ობსტრუქცია (ღვიძლისა და ნაღვლის ბუშტისგან ნაღვლის გადინების პრობლემები) ან ღვიძლის სხვა მძიმე დაავადება.
• თუ გაქვთ თირკმლის მძიმე დაავადება.
• თუ ექიმმა დაადგინა, რომ სისხლში გაქვთ კალიუმის დაბალი დონე ან კალციუმის მაღალი დონე, რაც მკურნალობით არ უმჯობესდება.
• თუ გაქვთ დიაბეტი ან თირკმელების ფუნქციის დარღვევა და მკურნალობთ არტერიული წნევის დამწევი სამკურნალო საშუალებით, რომელიც შეიცავს ალისკირენს.
• თუ ზემოთ ჩამოთვლილიდან რომელიმე გეხებათ თქვენ, ტელმისარტანისა და ჰიდროქლორთიაზიდის მიღების წინ აცნობეთ ექიმს ან ფარმაცევტს.

გაფრთხილება და სიფრთხილის ზომები

ტელმის პლუსი 80/12.5-ის მიღებამდე აცნობეთ თქვენს ექიმს, თუ გაქვთ ან ოდესმე გქონდათ რომელიმე შემდეგ მდგომარეობა ან დაავადება:

• დაბალი არტერიული წნევა (ჰიპოტენზია), რომელიც შეიძლება განვითარდეს დეჰიდრატაციის შემთხვევაში (სხეულის სითხის ჭარბი დაკარგვა) ან მარილის უკმარისობის შემთხვევაში შარდმდენი თერაპიის (”წყლის ტაბლეტები”), უმარილო დიეტის, დიარეის ან ღებინების გამო.
• თირკმლის დაავადება ან თირკმლის გადანერგვა.
• თირკმლის არტერიის სტენოზი (სისხლძარღვების შევიწროება ერთ ან ორივე თირკმელზე).
• ღვიძლის დაავადება
• გულის პრობლემები
• დიაბეტი
• პოდაგრა
• ალდოსტერონის დონის მომატება (რაც იწვევს ორგანიზმში წყლისა და მარილის შეკავებას სხვადასხვა მინერალების დისბალანსთან ერთად სისხლში)
• სისტემური წითელი მგლურა (ასევე "წითელი მჭამელა" ან "SLE") დაავადება, რომლის დროსაც სხეულის იმუნური სისტემა აზიანებს ორგანიზმს.
• აქტიურმა ინგრედიენტმა ჰიდროქლოროთიაზიდმა შეიძლება გამოიწვიოს უჩვეულო რეაქცია, რის შედეგადაც განვითარდეს მხედველობის დაქვეითება და თვალის ტკივილი. აღნიშნული შეიძლება წარმოადგენდეს თვალის წნევის მომატების სიმპტომებს და ადგილი ჰქონდეს ტელმისარტანისა და ჰიდროქლოროთიაზიდის მიღებიდან რამდენიმე საათში ან კვირაში. ამან შეიძლება გამოიწვიოს მხედველობის პერმანენტული დაქვეითება, თუ არ მოხდა მკურნალობა.
• თუ გქონდათ კანის სიმსივნე ან თუ მკურნალობის დროს განვითარდა კანის მოულოდნელი დაზიანება.
• ჰიდროქლოროთიაზიდით მკურნალობამ, განსაკუთრებით დიდი დოზებით ხანგრძლივმა მიღებამ, შეიძლება გაზარდოს ზოგიერთი ტიპის კანისა და ტუჩის კიბოს (არამელანომური კანის კიბო) რისკი. დაიცავით კანი მზის ზემოქმდების და ულტრაიისფერი გამოსხივებისგან ტელმისარტანისა და ჰიდროქლოროთიაზიდის მიღების დროს.

ტელმისარტანისა და ჰიდროქლოროთიაზიდის მიღებამდე გაიარეთ კონსულტაცია ექიმთან

• თუ იღებთ ქვემოთ ჩამოთვლილ მედიკამენტებს, რომლებიც გამოიყენება მაღალი არტერიული წნევის სამკურნალოდ:
• აგფ ინჰიბიტორი (მაგალითად, ენალაპრილი, ლიზინოპრილი, რამიპრილი), კერძოთ, თუ გაქვთ დიაბეტთან დაკავშირებული თირკმელების პრობლემები.
• ალისკირენი.

ექიმმა შესაძოა საჭიროდ ჩათვალოს თქვენი თირკმლის ფუნქციის, არტერიული წნევის და ელექტროლიტების რაოდენობის  (მაგ. კალიუმი) შემოწმება სისხლში რეგულარული ინტერვალებით. იხილეთ აგრეთვე ინფორმაცია სათაურით ”არ მიიღოთ ტელმისარტანი და ჰიდროქლოროთიაზიდი.

• თუ იღებთ დიგოქსინს.

უნდა აცნობოთ ექიმს, თუ ფიქრობთ, რომ ხართ ორსულად (ან შეიძლება დაორსულდეთ). ტელმისარტანი და ჰიდროქლორთიაზიდი არ არის რეკომენდებული ფეხმძიმობის ადრეულ ვადაზე და არ შეიძლება მისი მიღება თუ სამ თვეზე მეტის ორსული ხართ, რადგან ამ ეტაპზე გამოყენებამ შეიძლება სერიოზული ზიანი მიაყენოს ბავშვს (იხილეთ პარაგრაფი ორსულობის შესახებ).

ჰიდროქლოროთიაზიდით მკურნალობამ შეიძლება გამოიწვიოს ელექტროლიტების დისბალანსი ორგანიზმში. სითხის ან ელექტროლიტების დისბალანსის ტიპიური სიმპტომებია პირის სიმშრალე, სისუსტე, ლეტალგია, ძილიანობა, მოუსვენრობა, კუნთების ტკივილი ან კრუნჩხვები, გულისრევა (გულისრევის შეგრძნება), ღებინება, დაღლილობის შეგრძნება კუნთებში და პათოლოგიურად სწრაფი გულისცემა (100 დარტყმა წუთში). თუ აღგენიშნათ რომელიმე ზემოთ მითითებული, ამის შესახებ უნდა აცნობოთ ექიმს.

ექიმს ასევე უნდა აცნობოთ თუ გაქვთ კანის მომატებული მგრძნობელობა მზეზე, მზის დამწვრობის სიმპტომებით (როგორიცაა სიწითლე, ქავილი, შეშუპება, ბუშტუკები), რომელიც ვლინდება ჩვეულებრივზე უფრო სწრაფად.

ქირურგიული ჩარევის ან ანესთეზიის შემთხვევაში, ექიმს უნდა აცნობოთ, რომ იღებთ ტელმისარტანს და ჰიდროქლოროთიაზიდს.

ტელმისარტანი და ჰიდროქლოროთიაზიდი შეიძლება ნაკლებად ეფექტური იყოს შავკანიან პაციენტებში არტერიული წნევის შესამცირებლად.

ბავშვები და მოზარდები

ტელმისარტანის და ჰოდროქლოროთიაზიდის ტაბლეტების გამოყენება ბავშვებში და 18 წლამდე ასაკის მოზარდებში არ არის რეკომენდებული.

სხვა პრეპარატები და ტელმისარტანის და ამლოდიპინის ტაბლეტი

აცნობეთ თქვენს ექიმს ან ფარმაცევტს, თუ იღებთ ან ბოლო პერიოდში მიღებული გაქვთ ან შესაძლოა მიიღოთ სხვა მედიკამენტები. ექიმმა შესაძლოა საჭიროდ ჩათვალოს ამ სხვა მედიკამენტების დოზის შეცვლა ან სხვა ზომების მიღება. ზოგიერთ შემთხვევაში შეიძლება მოგიწიოთ რომელიმე მედიკამენტის მიღების შეწყვეტა. ეს განსაკუთრებით ეხება ქვემოთ ჩამოთვლილ მედიკამენტებს, რომლებიც მიიღება ტელმისარტანთან და ჰიდროქლოროთიაზიდთან ერთად:

• ლითიუმის შემცველი მედიკამენტები ზოგიერთი ტიპის დეპრესიის სამკურნალოდ.
• სისხლში კალიუმის დაბალ შემცველობასთან (ჰიპოკალიემია) დაკავშირებული მედიკამენტები, როგორიცაა სხვა შარდმდენები („წყლის ტაბლეტები“), საფაღარათო საშუალებები (მაგ. აბუსალათინის ზეთი), კორტიკოსტეროიდები (მაგ. პრედნიზონი), ACTH (ჰორმონი), ამფოტერიცინი (სოკოს საწინააღმდეგო წამალი), კარბენოქსოლონი (გამოიყენება პირის ღრუს წყლულების სამკურნალოდ), პენიცილინი G ნატრიუმი (ანტიბიოტიკი) და სალიცილის მჟავა და წარმოებულები.
• მედიკამენტები, რომლებმაც შეიძლება გაზარდოს სისხლში კალიუმის დონე, როგორიცაა კალიუმის შემანარჩუნებელი შარდმდენები, კალიუმის შდანამატები, მარილის შემცვლელი კალიუმი, აგფ ინჰიბიტორები, ციკლოსპორინი (იმუნოდეპრესანტი) და სხვა სამკურნალო საშუალებები, როგორიცაა ჰეპარინის ნატრიუმი (ანტიკოაგულანტი).
• მედიკამენტები, რომლებზეც გავლენას ახდელს სისხლში კალიუმის დონის ცვლილებები, როგორიცაა გულის მედიკამენტები (მაგ. დიგოქსინი) ან გულის რითმის საკონტროლო მედიკამენტები (მაგ. ქინიდინი, დისოპირამიდი, ამიოდარონი, სოტალოლი), ფსიქიკური აშლილობის დროს გამოსაყენებელი მედიკამენტები (მაგ. ტიორიდაზინი, ქლორპრომაზინი, ლევომეპრომაზინი) და სხვა მედიკამენტები, როგორიცაა გარკვეული ანტიბიოტიკები (მაგ. სპარფლოქსაცინი, პენტამიდინი) ან ალერგიული რეაქციების სამკურნალო გარკვეული მედიკამენტები (მაგ. ტერფენადინი).
• დიაბეტის სამკურნალო მედიკამენტები (ინსულინები ან პერორალური საშუალებები, როგორიცაა მეტფორმინი).
• ქოლესტირამინი და კოლესტიპოლი, სისხლში ცხიმის შემცველობის შესამცირებელი მედიკამენტები.
• წნევის ასაწევი სამკურნალო საშუალებები, როგორიცაა ნორადრენალინი.
• კუნთების სარელაქსაციო მედიკამენტები, როგორიცაა ტუბოკურარინი.
• კალციუმის დანამატები და / ან ვიტამინი D-ს დანამატები.
• ანტიქოლინერგული მედიკამენტები (სამკურნალო საშუალებები, რომლებიც გამოიყენება სხვადასხვა დარღვევების სამკურნალოდ, როგორიცაა კუჭ-ნაწლავის სპაზმები, შარდის ბუშტის სპაზმი, ასთმა, ზღვის ავადმყოფობა, კუნთების სპაზმები, პარკინსონის დაავადება და როგორც საანესთეზიო საშუალება) როგორიცაა ატროპინი და ბიპერიდენი.
• ამანტადინი (პრეპარატი, რომელიც გამოიყენება პარკინსონის დაავადების სამკურნალოდ და ასევე გამოიყენება ვირუსებით გამოწვეული გარკვეული დაავადებების სამკურნალოდ ან პრევენციისთვის).
• სხვა მედიკამენტები, რომლებიც გამოიყენება მაღალი არტერიული წნევის სამკურნალოდ, კორტიკოსტეროიდები, ტკივილგამაყუჩებლები (როგორიცაა არასტეროიდული ანთების საწინააღმდეგო საშუალებები [NSAID]) და ართრიტის, კიბოს, პოდაგრის სამკურნალო მედიკამენტები.
• თუ იღებთ აგფ ინჰიბიტორს ან ალისკირენს.
• დიგოქსინი.

ტელმის პლუსი 80/12.5-მა შეიძლება გაზარდოს არტერიული წნევის შემცირების ეფექტი სხვა მედიკამენტებისათვის, რომლებიც გამოიყენება მაღალი არტერიული წნევის სამკურნალოდ ან მედიკამენტებისთვის წნევის შემცირების პოტენციალით (მაგ., ბაკლოფენი, ამიფოსტინი). გარდა ამისა, დაბალი წნევა შეიძლება გამწვავდეს ალკოჰოლით, ბარბიტურატებით, ნარკოტიკებით ან ანტიდეპრესანტებით. რაც შეიძლება შენიშნოთ თავბრუსხვევის სახით ფეხზე დგომისას. ტელმის პლუსი 80/12.5 მიღებისას უნდა მიმართოთ ექიმს, თუ საჭიროა სხვა მედიკამენტის დოზის კორექტირება.

ტელმის პლუს 80/12.5-ის მოქმედება შეიძლება შემცირდეს NSAID-ის (არასტეროიდული ანთების საწინააღმდეგო მედიკამენტების, მაგ. ასპირინის ან იბუპროფენის) მიღებისას.

ტელმის პლუსი 80 / 12.5 საკვებთან და ალკოჰოლთან ერთად

შეგიძლიათ მიიღოთ ტელმის პლუსი 80 / 12.5 საჭმელთან ერთად ან მის გარეშე.

ნუ მიიღებთ ალკოჰოლს, ექიმთან კონსულტაციის გარეშე. ალკოჰოლმა შეიძლება გამოიწვიოს არტერიული წნევის უფრო მეტად საქვეითება და/ან გაზარდოს თავბრუსხვევის ან სისუსტის რისკი.

ორსულობა და  ძუძუთი კვება

ორსულობა

უნდა აცნობოთ ექიმს თუ ფიქრობთ რომ ორსულად ხართ (ან შეიძლება დაორსულდეთ). თქვენი ექიმი ჩვეულებრივ გირჩევთ შეწყვიტოთ ტელმისარტანისა და ჰიდროქლოროთიაზიდის ტაბლეტების მიღება ორსულობის დადგომამდე ან ორსულობის დადგომისთანავე და გირჩევთ მიიღოთ სხვა პრეპარატი ტელმისარტანისა და ჰიდროქლოროთიაზიდის ტაბლეტების ნაცვლად. ტელმისარტანისა და ჰიდროქლოროთიაზიდის ტაბლეტი არ არის რეკომენდებული ფეხმძიმობის პირველ ვადაზე და არ შეიძლება მისი მიღება 3 თვეზე მეტი ხნის ორსულობისას, რადგან ამან შეიძლება სერიოზული ზიანი მიაყენოს ბავშვს ორსულობის მესამე თვის შემდეგ გამოყენების შემთხვევაში.

ძუძუთი კვება

აცნობეთ ექიმს, თუ ხართ მეძუძრი  დედა ან აპირებთ ძუძუთი კვების დაწყებას. ტელმის პლუსი 80/12.5 არ არის რეკომენდებული მეძუძური დედებისთვის და ექიმმა შეიძლება შეარჩიოს თქვენთვის სხვა მკურნალობა თუ გსურთ ძუძუთი კვების გამოყენება.

ნებისმიერი მედიკამენტის მიღებამდე რჩევისთვის მიმართეთ ექიმს ან ფარმაცევტს.

ავტომობილების მართვა და ტექნიკის გამოყენება

ზოგ პაციენტს აღენიშნება თავბრუსხვევა ან დაღლილობა ტელმისარტანისა და ჰიდროქლოროთიაზიდის მიღებისას. თუ აღგენიშნათ თავბრუსხვევა ან დაღლილობა ნუ მართავთ ავტომანქანას და ნუ გამოიყენებთ ტექნიკას.

ტელმისარტანი და ჰიდროქლოროთიაზიდი შეიცავს რძის შაქარს (ლაქტოზას) და სორბიტოლს.

თუ გაქვთ ზოგიერთი შაქრის მიმართ აუტანლობა, ტელმის პლუსი 80/12.5-ის მიღებამდე მიმართეთ ექიმს.

3. როგორ მივიღოთ ტელმისარტანის და ჰიდროქლოროთიაზიდის ტაბლეტები

ყოველთვის მიიღეთ პრეპარატი ზუსტად თქვენი ექიმის დანიშნულების შესაბამისად. თუ დარწმუნებული არ ხართ, უნდა მიმართოთ თქვენს ექიმს ან ფარმაცევტს.

პრეპარატის რეკომენდებული დოზაა ერთი ტაბლეტი დღეში. შეეცადეთ მიიღოთ ტაბლეტი ყოველდღე ერთსა და იმავე დროს. ტელმისარტანის და ჰიდროქლოროთიაზიდის მიღება შეგიძლიათ საკვებთან ერთად ან მის გარეშე. ტაბლეტები უნდა გადაყლაპოთ წყალთან ან სხვა უალკოჰოლო სასმელთან ერთად. მნიშვნელოვანია, რომ მიიღოთ ტელმისარტანი და ჰიდროქლოროთიაზიდი ყოველდღე, თუ ექიმი არ გადაწყვეტს სხვაგვარად.

თუ დარღვეული გაქვთ ღვიძლის ფუნქცია, ჩვეულებრივი დოზა არ უნდა აღემატებოდეს 80 მგ / 12.5 მგ-ს ერთხელ დღეში.

თუ მიიღეთ საჭიროზე მეტი ტელმისარტანის და ჰიდროქლოროთიაზიდის ტაბლეტები

თუ შემთხვევით მიიღეთ ძალიან ბევრი ტაბლეტი, შეიძლება განვითარდეს ისეთი სიმპტომები როგორიცაა დაბალი არტერიული წნევა და გულისცემის აჩქარება. ასევე დაფიქსირებულია გულისცემის შენელება,  თავბრუსხვევა, ღებინება, თირკმელების ფუნქციის დაქვეითება თირკმლის უკმარისობის ჩათვლით. ჰიდროქლოროთიაზიდის კომპონენტის გამო, შეიძლება ასევე აღინიშნოს საგრძნობლად დაბალი არტერიული წნევა და კალიუმის დაბალი დონე სისხლში, რამაც შეიძლება გამოიწვიოს გულისრევა, ძილიანობა და კუნთების სპაზმები და/ან არარეგულარული გულისცემა, რაც დაკავშირებულია ისეთი წამლების ერთდროულ გამოყენებასთან, როგორიცაა ფუტკარა ან გარკვეულ ანტიარითმულ მკურნალობასთან. დაუყოვნებლივ დაუკავშირდით ექიმს, ფარმაცევტს ან უახლოეს საავადმყოფოს სასწრაფო დახმარების განყოფილებას.

თუ დაგავიწყდათ ტელმისარტანის და ჰიდროქლოროთიაზიდის ტაბლეტების მიღება:

თუ დაგავიწყდათ წამლის მიღება, მიიღეთ იგი გახსენებისთანავე და შემდეგ გააგრძელეთ, როგორც მანამდე. თუ ტაბლეტი არ მიიღეთ ერთ დღეს, მიიღეთ ჩვეულებრივი დოზა მეორე დღეს. არ მიიღოთ ორმაგი დოზა დავიწყებული ინდივიდუალური დოზების კომპენსირების მიზნით.

პრეპარატის გამოყენებასთან დაკავშირებით დამატებითი კითხვების შემთხვევაში მიმართეთ ექიმს ან ფარმაცევტს.

თუ შეწყვეტთ ტელმისარტანის და ჰიდროქლოროთიაზიდის ტაბლეტების მიღება

მნიშვნელოვანია, რომ მიიღოთ ტელმისარტანის და ჰიდროქლოროთიაზიდის ტაბლეტები ყოველდღე, თუ ექიმი არ გადაწყვეტს სხვაგვარად. თუ გაქვთ შთაბეჭდილება, რომ ტელმისარტანისა და ჰიდროქლოროთიაზიდის მოქმედება ძალიან ძლიერი ან ძალიან სუსტია, მიმართეთ თქვენს ექიმს ან ფარმაცევტს.

დამატებითი შეკითხვების შემთხვევაში ამ პროდუქტის გამოყენებასთან დაკავშირებით, მიმართეთ ექიმს ან ფარმაცევტს.

4. შესაძლო გვერდითი მოვლენები

ყველა მედიკამენტის მსგავსად, ამ მედიკამენტმაც შეიძლება გამოიწვიოს გვერდითი მოვლენები, თუმცა არა ყველა პაციენტში.

ყველაზე გავრცელებული გვერდითი მოვლენაა თავბრუსხვევა. ანგიონევროზული შეშუპება შეიძლება განვითარდეს ძალიან იშვიათად. ტელმისარტანთან / ჰიდროქლოროთიაზიდთან დაკავშირებული გვერდითი რეაქციების სიხშირე მსგავსია ტელმისარტანისა.

ხშირი გვერდითი მოვლენები (≥1 / 100 - <1/10): თავბრუსხვევა

იშვიათი გვერდითი მოვლენები (≥1/1000 - <1/100): ჰიპოკალიემია, შფოთვა, სინკოპე, პარესთეზია, თავბრუსხვევა, ტაქიკარდია, არითმია, ჰიპოტენზია, ორთოსტატიკური ჰიპოტენზია, დისპნოე, დიარეა, პირის სიმშრალე, მეტეორიზმი, ზურგის ტკივილი, კუნთების სპაზმები, კუნთების ტკივილი, ერექციული დისფუნქცია, ტკივილი გულმკერდის არეში, შარდმჟავის დონის მომატება.

ძალიან იშვიათი გვერდითი მოვლენები (≥1/10,000- <1/1000): ბრონქიტი, ფარინგიტი, სინუსიტი, სისტემური წითელი მგლურას გამწვავება, ჰიპერურიკემია, ჰიპონატრიემია, დეპრესია, უძილობა, მხედველობის დარღვევები, რესპირატორული დისტრეს სინდრომი (პნევმონია, ფილტვის შეშუპების ჩათვლით) მუცლის ღრუს ტკივილი, ყაბზობა, დისპეფსია, გულისრევა, გასტრიტი, ანგიონევროზული შეშუპება (გარდაცვალების ჩათვლით), ერითემა, ქავილი, გამონაყარი, ჰიპერჰიდროზი, ჭინჭრის ციება, ართრალგია, კუნთების სპაზმი, გრიპის მსგავსი სიმპტომები, კრეატინინის მომატება, კრეატინინის ფოსფოკინაზის ზრდა და ღვიძლის ფერმენტების მომატება.

ანგარიში გვერდითი მოვლენების შესახებ

თუ თქვენ გამოგივლინდათ რომელიმე გვერდითი მოვლენა მიმართეთ ექიმს, ფარმაცევტს ან მედდას. ყველა იმ შესაძლო გვერდითი მოვლენების ჩათვლით რომელიც არ არის მითითებული წინამდებარე გამოყენების ინსტრუქციაში. გვერდითი მოვლენების შესახებ შეტყობინებით, თქვენ შეგიძლიათ დამატებითი ინფორმაციის მიწოდება ამ პრეპარატის უსაფრთხოების შესახებ.

5. როგორ შევინახოთ ტელმისარტანის და ჰიდროქლოროთიაზიდის ტაბლეტები:

პრეპარატი შეინახეთ ბავშვებისათვის მიუწვდომელ ადგილას.

არ გამოიყენოთ ტელმისარტანის და ჰიდროქლოროთიაზიდის ტაბლეტები კოლოფზე მითითებული ვარგისიანობის ვადის გასვლის შემდეგ. მოქმედების ვადა გრძელდება მითითებული თვის ბოლო რიცხვის ჩათვლით.

პრეპარატი არ საჭიროებს შენახვის განსაკუთრებულ პირობებს.

შეინახეთ თავდაპირველ შეფუთვაში სინათლისა და ტენისგან დაცვის მიზნით.

ამოიღეთ ტელმისარტანის და ჰიდროქლოროთიაზიდის ტაბლეტი ბლისტერიდან უშუალოდ მიღების წინ.

არ გადააგდოთ პრეპარატი კანალიზაციის მილში ან საყოფაცხოვრებო ნარჩენებში. ჰკითხეთ ფარმაცევტს როგორ გაანადგუროთ პრეპარატი რომელსაც აღარ მოიხმართ. ეს ზომები ხელს შეუწყობს გარემოს დაცვას

6. შეფუთვის შიგთავსი და სხვა ინფორმაცია

რას შეიცავს ტელმისარტანის და ჰიდროქლოროთიაზიდის ტაბლეტები

აქტიური ნივთიერებებია ტელმისარტანი და ჰიდროქლოროთიაზიდი. ერთი ტაბლეტი შეიცავს 80 მგ ტელმისარტანს და 12.5 მგ ჰიდროქლოროთიაზიდს.

სხვა ინგრედიენტებია ნატრიუმის ჰიდროქსიდი, მიკროკრისტალური ცელულოზა pH102, ნატრიუმის ჰიდროქსიდი, პოვიდონი K-30, მეგლუმინი, კროსპოვიდონი, კოლოიდური სილიციუმის დიოქსიდი (აეროზილი® 200), მაგნიუმის სტეარატი, პრეჟელატინირებული სახამებელი (სახამებელი 1500) რკინის ოქსიდი წითელი, Sheffcoat PVA თეთრი 5Y01988.

ტელმისარტანისა და ჰიდროქლოროთიაზიდის ტაბლეტების გარეგნული სახე და შეფუთვის შემცველობა

ტელმისარტანისა და ჰიდროქლოროთიაზიდის ტაბლეტები არის თეთრი ფერის კაფსულის ფორმის აპკიანი გარსით დაფარული ტაბლეტები.

ტელმისარტანის და ჰიდროქლოროთიაზიდის ტაბლეტი ხელმისაწვდომია 3x10 ალუ/ალუ ბლისტერულ შეფუთვაში.

გაცემის რეჟიმი:

ფარმაცევტული პროდუქტის ჯგუფი - II, გაიცემა ფორმა №3 რეცეპტით

მარკეტინგის ნებართვის მფლობელი

მწარმოებელი

Celogen Generics Pvt.Ltd

ნაკვეთი # 646/1 &2, აგარვალის ინდუსტრიული ზონა, სომნათ თემფლ როუდ,

დაბელი და დამანი - 396210 U.T.