Hister - ჰისტერი 5მგ 10 ტაბლეტი

ჰისტერი

HISTER

სავაჭრო დასახელება: ჰისტერი
პრეპარატის საერთაშორისო არაპატენტირებული დასახელება: დესლორატადინი
წამლის ფორმა: გარსით დაფარული ტაბლეტები
შემადგენლობა: გარსით დაფარული 1 ტაბლეტი, შეიცავს:
დოზირება 10 მგ
აქტიური ნივთიერება: დესლორატადინი 5 მგ;
დამხმარე ნივთიერებები: კალციუმის ჰიდროფოსფატის დიჰიდრატი 61,7 მგ, პოვიდონი 6,8 მგ, კალციუმის სტეარატი 0,7 მგ; ნატრიუმის კროსკარმელოზა (პრიმელოზა) 4,8 მგ; მიკროკრისტალური ცელულოზა 41 მგ;
აპკიანი გარსის შემადგენლობა: ოპადრაი II თეთრი 4 მგ, მათ შორის: პოლივინილის სპირიტი 1,88 მგ, მაკროგოლი (პოლიეთილენგლიკოლი 3350) 0,94 მგ, ტალკი 0,7 მგ, ტიტანის დიოქსიდი 0,48 მგ.
აღწერა
მრგვალი, ორმხრივამოზნექილი გარსით დაფარული ტაბლეტები თეთრი ან თითქმის თეთრი ფერის. განივ ჭრილზე თითქმის თეთრი ფერით ან თეთრი კრემისფერი ელფერით ან თეთრი ვარდისფერი ელფერით.
ფარმაკოთერაპიული ჯგუფი: ანტიალერგიული საშუალება – H1 ჰისტამინური რეცეპტორების ბლოკატორი.
ათქ კოდი: R06AX27.
ფარმაკოლოგიური თვისებები
ფარმაკოდინამიკა
ხანგრძლივი მოქმედების ანტიჰისტამინური პრეპარატი. წარმოადგენს ლორატადინის პირველად აქტიურ მეტაბოლიტს. აინჰიბირებს ალერგიული ანთების რეაქციების კასკადს, მათ შორის პროანთებითი ციტოკინების გამოთავისუფლებას, მათ შორის ИЛ-4, ИЛ-6, ИЛ-8, ИЛ-13 ინტერლეიკინების, პროანთებითი ჰემოკინების გამოთავისუფლებას, (RANTES), აქტივირებული პოლიმორფულბირთვიანი ნეიტროფილების მიერ სუპეროქსიდური ანიონების პროდუქციის, ეოზინოფილების ადჰეზიისა და ჰემოტაქსისის, ადჰეზიის მოლეკულების გამოყოფის ჩათვლით, როგორიცაა P–სელექტინი, IგE-ჰისტამინის, D2 პროსტაგლანდინის და С4 ლეიკოტრიენის გამოთავისუფლება. ამგვარად, ხელს უშლის ალერგიული რეაქციების განვითარებას და ამსუბუქებს მის მიმდინარეობას, გააჩნია ქავილის საწინააღმდეგო და ანტიექსუდატური მოქმედება, ამცირებს კაპილარების გამჭოლობას, ხელს უშლის ქსოვილების შეშუპების განვითარებას, გლუვი კუნთების სპაზმის განვითარებას.
პრეპარატი არ მოქმედებს ცენტრალურ ნერვულ სისტემაზე, პრაქტიკულად არ აქვს სედაციური ეფექტი (არ იწვევს ძილიანობას) და გავლენას არ ახდენს ფსიქომოტორული რეაქციების სიჩქარეზე. არ იწვევს ეკქ-ზე QT ინტერვალის გახანგრძლივებას.
დესლორატადინის მოქმედება იწყება 30 წუთის განმავლობაში შიგნით მიღების შემდეგ და გრძელდება 24 საათი.
ფარმაკოკინეტიკა
დესლორატადინი კარგად შეიწოვება კუჭ-ნაწლავის ტრაქტში. სისხლის პლაზმაში განისაზღვრება შიგნით მიღებიდან 30 წუთის შემდეგ. მაქსიმალური კონცენტრაცია მიიღწევა მიღებიდან საშუალოდ 3 საათის შემდეგ. არ აღწევს ჰემატოენცეფალური ბარიერის გავლით. პლაზმის ცილებთან კავშირი შეადგენს 83-87%. დიდებსა და მოზარდებში 14 დღის განმავლობაში ერთხელ დღე-ღამეში დოზით 5 მგ-დან 20 მგ-მდე გამოყენებისას კლინიკურად მნიშვნელოვანი კუმულაცია არ აღინიშნება. საკვების ან გრეიფურტის წვენის ერთდროული გამოყენება არ მოქმედებს დესლორატადინის განაწილებაზე ერთხელ დღე-ღამეში დოზით 7,5 მგ გამოყენებისას.
დესლორატადინი არ არის CYP3A4 და CYP2D6 ინჰიბიტორი და არ არის სუბსტრატი ან P–გლიკოპროტეინის ინჰიბიტორი. ინტენსიურად მეტაბოლიზირებს ღვიძლში ჰიდროქსილირების გზით გლუკურონიდთან შეერთებული 3-ОН-დეზლორატადინის წარმოშობით. შიგნით მიღებული დოზის მხოლოდ მცირე ნაწილი გამოიყოფა თირკმელებით (<2%) და ნაწლავებით (<7%).
ნახევრადგამოყოფის პერიოდი – 20-30 საათი (საშუალოდ – 27 საათი).
გამოყენების ჩვენებები
 ალერგიული რინიტი (ცემინების აღმოფხვრა ან შემსუბუქება, ცხვირის დაცობა, ცხვირიდან გამონადენი, ცხვირის ქავილი, სასის ქავილი, თვალების ქავილი და ჰიპერემია, ცრემლდენა);
 ჭინჭრის ციება (კანის ქავილის, გამონაყარის შემცირება ან აღმოფხვრა).

უკუჩვენებები
 მომატებული მგრძნობელობა პრეპარატის შემადგენლობაში შემავალი ნებისმიერი ნივთიერების მიმართ;
 ორსულობა და ლაქტაცია;
 ბავშვები 12 წლამდე ასაკი.
სიფრთხილით
თირკმლის მძიმე ქრონიკული უკმარისობა.
გამოყენება ორსულობისას და ძუძუთი კვების პერიოდში
პრეპარატი ჰისტერი არ არის რეკომენდებული ორსულობის დროს, იმის გამო, რომ შესაბამისი კლინიკური კვლევები არ ჩატარებულა და გამოყენების უსაფრთხოება ორსულობის დროს დადგენილი არ არის.
დესლორატადინი აღწევს დედის რძეში, ამიტომ მეძუძურმა ქალებმა არ უნდა მიიღონ პრეპარატი ჰისტერი.
გამოყენების წესი და დოზები
შიგნით, საკვების მიღებისგან დამოუკიდებლად, მოზრდილებში და მოზარდებში 12 წლიდან – 1 ტაბლეტი დღეში. ტაბლეტი უნდა გადაიყლაპოს მთლიანად წყლის მიყოლებით.
გვერდითი მოქმედება
გვერდითი ეფექტების განვითარების სიხშირის კლასიფიკაცია ჯანდაცვის მსოფლიო ორგანიზაციის მიხედვით:
ძალიან ხშირად >1/10 დანიშნულება (> 10%), ხშირი - >1/100-ან <1/10-მდე დანიშნულება (>1% და 10%), არც ისე ხშირად >1/1000-დან <1/100-მდე (>0.1% და 1%), იშვიათად - >1/10000-დან <1/1000 დანიშნულება (>0.01% და 0.1%), ძალიან იშვიათად - <1/10000 დანიშნულება (<0.01%)
დარღვევები იმუნური სისტემის მხრივ:
ძალიან იშვიათად: ალერგიული რეაქციები, ანაფილაქსიის ჩათვლით.
დარღვევები ნერვული სისტემის მხრივ:
არც ისე ხშირად: თავის ტკივილი.
დარღვევები გულის მხრივ:
ძალიან იშვიათად: ტაქიკარდია, გულისცემის შეგრძნება.
დარღვევები კუჭ-ნაწლავის ტრაქტის მხრივ:
არც ისე ხშირად: პირის სიმშრალე.
დარღვევები კანისა და კანქვეშა ქსოვილების მხრივ
ძალიან იშვიათად: გამონაყარი.
ზოგადი აშლილობები და დარღვევები შეყვანის ადგილას:
ხშირად: ადვილად დაღლა.
ლაბორატორიული და ინსტრუმენტული მონაცემები:
ძალიან იშვიათად: ღვიძლის ფერმენტების აქტივობის გაზრდა, ბილირუბინის კონცენტრაციის გაზრდა.
ჭარბი დოზა
სიმპტომები. რეკომენდებულზე 5 -ჯერ მეტი დოზის მიღება, არ იწვევს რაიმე სახის სიმპტომების წარმოქმნას. კლინიკურ კვლევებში დესლორატადინის ყოველდღიურ გამოყენებას მოზრდილებში და მოზარდებში დოზით 20 მგ-მდე 14 დღის განმავლობაში არ იყო სტატისტიკურად და კლინიკურად მნიშვნელოვანი ცვლილებები გულ-სისხლძარღვთა სისტემის მხრივ. კლინიკურ-ფარმაკოლოგიურ კვლევებში დესლორატადინის გამოყენებას დოზით 45 მგ დღეში (რეკომენდებულ დოზაზე 9-ჯერ მაღალი) 10 დღის განმავლობაში არ გამოუწვევია QT ინტერვალის გახანგრძლივება და არ ახლდა სერიოზული გვერდითი ეფექტების წარმოშობა.
მკურნალობა. პრეპარატის შემთხვევით დიდი რაოდენობით მიღებისას, საჭიროა დაუყოვნებლივ მიმართოთ ექიმს. რეკომენდებულია კუჭის ამორეცხვა, აქტივირებული ნახშირის მიღება; საჭიროების შემთხვევაში – სიმპტომური თერაპია. დესლორატადინი არ გამოიყოფა ჰემოდიალიზის დროს, პერიტონეული დიალიზის გამოყენების ეფექტურობა არ არის დადგენილი.
ურთიერთქმედება სხვა სამკურნალო პრეპარატებთან
ურთიერთქმედება სხვა სამკურნალო საშუალებებთან გამოვლენილი არ არის. საკვების მიღება გავლენას არ ახდენს პრეპარატის ეფექტურობაზე. დეზლორატადინი არ აძლიერებს ალკოჰოლის მოქმედებას ცენტრალურ ნერვულ სისტემაზე.
განსაკუთრებული მითითებები
ინფექციური ეტიოლოგიის რინიტებისას დესლორატადინის ეფექტურობის კვლევები არ ჩატარებულა.
გავლენა ავტოტრანსპორტისა და სხვა მექანიზმების საშუალებების მართვის უნარზე
ავტომობილისა და რთული ტექნიკური მოწყობილობების მართვაზე უარყოფითი ზემოქმედება არ დაფიქსირებულა.
გამოშვების ფორმა
გარსით დაფარული ტაბლეტები, 5 მგ.
10 ტაბლეტი კონტურულ უჯრედოვან შეფუთვაში პოლივინილქლორიდისა და ალუმინის დაბეჭდილი ლაქით დაფარული ფოლგისგან. 1 კონტურული უჯრედოვანი შეფუთვა 10 ტაბლეტით გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები
მშრალ, სინათლისგან დაცულ ადგილას ტემპერატურაზე არაუმეტეს 250C.
შეინახეთ ბავშვებისათვის მიუწვდომელ ადგილას.
შენახვის ვადა
2 წელი. არ გამოიყენოთ ვარგისობის ვადის გასვლის შემდეგ.
აფთიაქიდან გაცემის პირობები
ფარმაცევტული პროდუქტის ჯგუფი III, გაიცემა რეცეპტის გარეშე.
მწარმოებელი
dss “kanonfarma prodaqSn”, რუსეთი
141100, მოსკოვის ოლქი, ქ. შიოლკოვო, ზარეჩნაიას ქ., ს. 105.
ტელ.: (495) 797-99-54, ფაქსი: (495) 797-96-63.
www.canonpharma.ru
სარეგისტრაციო მოწმობის მფლობელი
დსს “კანონფარმა პროდაქშნ”, რუსეთი
საქართველოს ტერიტორიაზე პროდუქციის ხარისხის თაობაზე მომხმარებლებისგან პრეტენზიების მიმღები ორგანიზაციის მისამართი
შპს “ნიუ ფარმ გრუპი”
საქართველო, ქ. თბილისი, ვაკე-საბურთალოს რაიონი, დ. აღმაშენებლის ხეივანი მე-12 კმ, კორ. 2, ბ. 43.
ტელ./ფაქსი: +995(32) 210 88 18.